All about Sama Veda – Chapter 10 (సామవేదీయ సర్వస్వము – దశమార్చిక)

– విశ్వనాథ అచ్యుతదేవరాయలు

దశమార్చిక

గేయగానఋక్కులు

సామవేదసంహిత ప్రధానముగ రెండు భాగములు – పూర్వార్చిక, ఉత్తరార్చిక అని. పూర్వార్చికకు ఇంకొక పేరు “ఛందార్చిక”.
సామవేదమునందున్న గానములు ఋక్కులనుండి, యజుస్సులనుండి, అధర్వములనుండి ఉద్భవించినదను విషయము, సామగానములను చూచినచో రూఢిగా తెలియును.
ఈ సామగానములకు “గేయగానములు” అని పేరు.
ఛందార్చిక పర్వలుగా విభజింపబడినది. అందు మొదటి నాలుగు పర్వలలో గానములైన ఋక్కుల వివరమిచ్చట ఈయబడినది.

పర్వ

ఋక్కుల సంఖ్య

ఆగ్నేయమ్ పర్వ

114

ఐన్ద్రమ్ పర్వ

352

పావమాన పర్వ

119

అరణ్య పర్వ

55

ఛందార్చిక సంపూర్ణము

640

 

వీటి గానమునకు గేయగానమని పేరు.

మహానామ్న – పంచపురీషపదాని

ఛందార్చిక పూర్తి అయిన తరువాత, ఉత్తరార్చికకు ముందు పదిఋక్కులున్నవి. వాటి వివరములు యీ క్రింద తెలుపుచున్నాను.

 

మహానామ్న 9 ఋక్కులు
పంచపురీషపదాని 1 ఋక్కు
మొత్తము 10 ఋక్కులు

 

మహానామ్నార్చికలోని మహానామ్న సామలు తొమ్మిదియును మూడు స్తిస్రలుగా విభజింపబడినవి. మూడు స్తిస్రలకును మూడు గానములున్నవి.

పంచపురీషపదాని

పంచపురీషపదములకు గూడ ఒక గానమున్నది.

సామవేదసంహితా భాగములైన మహానామ్నార్చిక, పఞ్చపురీషపదాని సామలను కొంతమంది సామగులు సామసంహితాంతములుగ పరిగణించుచున్నారు.

మరికొంతమంది సామగులు వీటిని పూర్వార్చికాంతములుగా పరిగణించుచున్నారు. అనగా మహానామ్నార్చిక, పఞ్చపురీషపదాని తరువాత ఉత్తరార్చికారంభము.

పూర్వార్చికా, ఉత్తరార్చికల మధ్య మహానామ్నార్చిక, పఞ్చపురీషపదాని ఉండవలెనన్న సామవేద పండితులలో ప్రఖ్యాత సామవేదపండితప్రకాండుడైన సత్యవ్రతసామశ్రమీ ఒకరు. ఆయన కలకత్తా విశ్వవిద్యాలయములో వేదవేదాంగ విభాగమునకధ్యక్షుడుగా నుండెడివాడు. సామవేదసంహితను సాంగముగా పరీక్షించి 5 సంపుటములుగా ప్రకటించినాడు.

అందు సంహితా భాగములైన సామలనే కాక, గ్రామేగేయగానము, గ్రామేఅరణ్యగానము, ఊహగానము, ఊహ్యగానము, స్తోభలు, మహానామ్నార్చిక, పఞ్చపురీష పదాని లనుగూడా కలిపి, సంపూర్ణ సామవేద సంహితాస్వరూపమును అందజేసిన మహామహుడాయన. ఆయన పూర్తిపేరు సత్యవ్రతసామశ్రమి భట్టచార్య. ఆయన ప్రచురించిన పుస్తకములో సాయణాచార్య భాష్యమును కూడ చూడవచ్చును.

సామవేదసంహితా విభాగములు

సామవేదసంహిత ప్రధానముగా రెండుభాగములుగా విరాజమానమగుచున్నదని ఇదివరకే చెప్పబడినది.

  1.    పూర్వార్చిక
    1.    ఆగ్నేయకాండ
    2.   ఐన్ద్రకాండ
    3.   పావమానకాండ
    4.  ఆరణ్యకాండ
  2.   ఉత్తరార్చిక
    1.    ఊహగానమ్
    2.   ఊహ్యగానమ్

సామవేదసంహిత మరియొక విధముగా విభజింపబడి ఉన్నది.

  1.    ప్రపాఠకము
  2.   అర్ధప్రపాఠకము
  3.   పరిశిష్టము

ప్రతి ప్రపాఠకమునందును ఒకటిగాని, రెండుగాని, మూడుగాని అర్ధప్రపాఠకములుండును. మొత్తము తొమ్మిది ప్రపాఠకములు.

సామవేదమునందు ప్రధానముగా యజ్ఞములయందు గానము సేయవలసిన గానములు ఉండును. అవి ఊహగాన, ఊహ్యగానములు గదా!

ఈ గానములు యజ్ఞమునందు ఏ సమయమున పఠింపవలెను? యజ్ఞము ఆరంభించు సమయమునందా? మధ్యలోనా? చివరనా?

యజ్ఞము పర్వలుగా విభజింపబడినది. ఒక యజ్ఞమునందు ఒకటే పర్వ ఉండవచ్చును. లేక రెండుగాని మూడుగాని పర్వలు ఉండవచ్చును.

యజ్ఞము సేయుకాలము ఒక దినము కావచ్చును. రెండు దినములు కావచ్చును. లేక సంవత్సరము కావచ్చును.

ఈ పర్వలలో ఏ ఏ ఊహగాన ఊహ్యగానములు పఠింపవలెనో, బ్రాహ్మణములయందు వివరింపబడినవి.

సామవేదమునకు ఎనిమిది బ్రాహ్మణములు గదా! వాటిలో ఈ వివరములుండును.

  1.    దశరాత్ర పర్వమ్
  2.   సంవత్సర పర్వమ్
  3.   ఏకాహ పర్వమ్
  4.  ఆహీన పర్వమ్
  5.   సత్ర పర్వమ్
  6.   ప్రాయశ్చిత్త పర్వమ్
  7.   క్షుద్ర పర్వమ్

సామగాన గ్రన్థము రెండు భాగములుగా విభజింపబడినది పూర్వగానము, ఉత్తరగానము. పూర్వభాగము స్వాధ్యాయము, అనగా విధిగా అధ్యయనము సేయవలసినది. చేయనిదే వేదాధ్యయనము పూర్తిగాదు. అనగా ఋగ్వేదీయుడు కానిమ్ము, ఏ వేదీయుడు కానిమ్ము, తన వేదముతో పాటు పూర్వగానగ్రన్థమును పఠించితీరవలయిను. కానిచో ఆయన వేదాధ్యయనము సంపూర్ణము గాదు. ఆనగా పూర్వగానము అన్నివేదములకు మూలము అని అర్థము. వేదమహావృక్షమునకు పూర్వగానగ్రన్థము తల్లివేరు.

సామవేద శాఖా వివరములు

SamavedaSakhalu

దశమార్చిక సంపూర్ణము

 

Advertisements
Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: