Jataa Mani Text with commentary (jaṭā maṇiḥ savyākhyā)

Below is the text of jaṭā maṇi with commentary in Roman Script (Roman IAST) that has typewritten and transliterated using Sri. Venkatesh’s excellent BhashaIME tool (https://sites.google.com/site/bhashaime/).

jaṭā maṇi is a lakṣaṇa grantha of the taittirīya śākha of kr̥ṣṇa yajurveda.

———————

श्रीः

atha jaṭāmaṇirnāma lakṣaṇam

jñānānandamayaṁ dēvaṁ nirmalasphaṭikākr̥tim

adhāraṁ sarvavidyānāṁ hayagrīva mupāsmahē ||

mūlaṃ||

prātiśākhyādi śāstrajña ssarvaśikṣā viśāradaḥ | sūkṣmabuddhissamarthoyassajaṭāṃ vaktumaharti || 1 ||

vyākhyānaṃ||

nanu jaṭādhyayanādhikārī ka ityukte ucyate prātiśākhyādītyanena –  prātiśākhyādi śāstrajñaḥādi śabde na *navaśikṣā pārīṇaḥ |sarvaśāstra viśāradaḥvyākaraṇādi vedāṅga vijñānavānityarthaḥ |sūkṣmabuddhiḥ| samarthaḥ uccāraṇa samarthaḥ sabhākampādi rahitaścayaḥ sajaṭāṃ vaktumaharti jaṭāpāṭhī bhavitu maharti ||1 ||

mūlaṃ||

jaṭāṃhitvā vicitrārthāmanulomādikaṃ vadan|| savai narakamāpnoti svaravarṇādilopivat || 2 ||

tasyāḥ pramāṇaṃ prathame prātiśākhye prapāṭhake| rephādeśe’piśabdācca nadhāme tyārṣa śabdataḥ || 3 ||

vyākhyānaṃ||

nanu śrautasmārteṣu saṃhitāyā eva upayogitvāt saṃhitai vādhyetavyā| padādhyayanābhāve saṃhitāvasāna jñānābhāvāt prātiśākhye “athādāvuttarevibhāge”(prā 1-3-1)iti padaṃprati lakṣaṇasya vidyamānatvācca padamapyadhyetavyam || “kramāddhyayana sampanno devatvamadhigacchati” iti kramāddhyayane phalādhikyāt “kramodvābhyā manukramya” iti kramāddhyayanaṃ prati lakṣaṇasya vidyamānatvācca kramo ‘pyadhyetavyaḥ| tathāca jaṭādhyayane pramāṇā bhāvāt kathaṃ jaṭādhyetavyeti śaṅkāyāṃ jaṭāyāḥ pramāṇamevocyate tasyāḥ pramāṇa mityādinā|| tasyāḥ jaṭāyāḥ pramāṇaṃ prātiśākhye prathama praśne rephādeśe visarjanīyādhikāre “iti paro’pi” (prā 1-8-12) iti sūtrastha ‘api’ śabdāt “nadhāmā” (prā 1-10-13) ityatra ārṣaśabdataśca vijñeya mityanvayaḥ|| “iti paropi”iti sūtrasthāpiśabdaḥ āvṛtparatva manvādiśati| tathāca asāvāvṛtparo visarjanīyaḥiti paraścet rephamāpadyate iti| atra saṃhitāyā mudāharaṇābhāvāt jaṭāyāmevodāharaṇaṃ-yathā| iti śśruta śśruta ritītiśrutaḥ|  āvṛtpara itikiṃ| prahārāvayorvaiśrita iti| atra āvṛtparatvābhāvāt tanmābhūditi| evaṃca idaṃ sūtraṃ jaṭālakṣaṇameva| tathāca jaṭādhyayanaṃ siddhaṃ| hiṃca ‘nadhāmā’ ityatra ārṣagrahaṇaṃ pauruṣamākṣipati| tathāca nasaṃhitāvyatiriktaṃ padakramādikaṃ pauruṣeya miti vyavahāraḥ|| kiṃca “hvārabhāḥ” (prā 1-8-8) iti sūtre abibhargrahaṇasya jaṭāyā mevodāharaṇaṃ| pitargrahaṇasyāpijaṭāyāmeva| yathā abibhastantamabibharabibhastam| marutāṃ pitaḥ pitarmmarutāmmarutāṃ pitaḥ||  tathāca jaṭādhyayane pramāṇa siddhiḥ || 3 ||

mūlaṃ||

jaṭāyāṃ pañcadhāsandhi rārṣapauruṣa bhedataḥ|ādyantamārṣaṃ viṅṅeyaṃ śiṣṭamanyattu pauruṣam || 4 ||

vyākhyānaṃ||

nanu jaṭādhyayane pramāṇamuktaṃ| jaṭākīgṛgbhūteti śaṅkāyā muttaramāha jaṭāyāmiti|| pañcadhā sandhiprakāro||

yathā|| vāyavyaggṃ śvetaṃ, śvetaggṃ śvetaṃ, śvetaṃ vāyavyaṃ, vāyavyaṃ vāyavyaṃ, vāyavyaggṃ śvetaṃ||

bhakṣā-a-ā-bhakṣa- bhakṣa-bhakṣa-bhakṣā- ityādi||ādyanta sandhirārṣa saṃjñaḥ anyesandhayaḥ anārṣakāḥ || 4 ||

mūlaṃ||

trikrameṣvaṣṭadhā sandhi rdvaudvāvādyantayorapi| ārṣasaṃjñāsta evātra sandhayonyetva nārṣakāḥ || 5 ||

vyākhyānaṃ||

nanu jaṭākīdṛgbhūtetyukte vaṅcasandhi revajaṭetyuktā tathāsati trikramasthale ṣvaṣṭa sandhervidyamāna tvāt kathamitiśaṅkāyā māha trikrameṣviti|| trikrameṣu ādyantayoḥ dvaurdvausaṃdhī ārṣasaṃjñakau| anyesandhayaḥ anārṣakāḥ|

yathā – udgātā-arohati-rohati-rohati-rohatyā|| odgātā-udgāto dgātā-udgātā-arohati|| ṛcā-āsādayati-sādayati-sādayati-sādayityā| arcā-ṛcarcā-ṛcā-āsādayati – ityādi || 5 ||

mūlaṃ||

padadvaya manukramya vyutkramyotkramyasandhimat|| yathāvatsvara saṃyuktaṃ prayuṃjyātsā jaṭāmatā || 6 ||

vyākhyānaṃ||

jaṭāsvarūpaṃ prati vacanāntaramapyāha padadvayamiti|| prathamaṃ padadvaya manukramya-anukramaḥ ārṣaḥ, punaḥvyutkramya-vyutkramaḥvilomaḥ, punaśca utkramya, utkramaḥ anulomaḥkramaḥ, vadet|| prathamaṃ padadvaya manukramya punaḥ utkramya punaśca utkramya prātiśākhyokta sandhimanatikramya svarasahitaṃ prayuṃjyāt| yathā|vadantya kūṭayā kūṭayā vadanti vadantya kūṭayā|| ityādi || 6 ||

mūlaṃ||

nyāyādanugrahādyacca dṛṣṭāstādyattaducyate|| vilomenyāyataḥ prāpti ssandhi rityabhidhīyate || 7 ||

vyākhyānaṃ||

athasandhi svarūpamāhanyāyā dityādi| nyāyataḥpramāṇataḥdṛṣṭānta tvena yatpratīyate tadvilome jaṭākāle tādṛśassandhirabhi dhīyata ityarthaḥ || 7 ||

mūlaṃ||

yatrārṣe ‘nudbhūtasandhi rjaṭāyā mudbhavedyadi|| tadbrāhmaṇā raṇyakokta sandhirdṛṣṭānta ucyate || 8 ||

vyākhyānaṃ||

atha dṛṣṭāntasya lakṣaṇamāha|| yatretyādi|| yatra ārṣe anudbhūtasandhiḥ-udbhūta sandhirna bhavatītyanudbhūta sandhiḥ jaṭāyāṃ udbhavedyadi saḥ aruṇa brāhmaṇe dṛṣṭāntatvena ucyata ityarthaḥ|| yathā nṛṣadevaḍvaṇṛṣade nṛṣadevaṭ || 8 ||

mūlaṃ||

sakṛdādi rdvitīyaṃ dviḥ paṭheccādi padaṃ sakṛt||sandhitaḥ kramavacceti procyate sājaṭābudhaiḥ || 9 ||

vyākhyānaṃ||

atha jaṭoccāraṇa prakāramāha sakṛdādi rityādi|| ādi padaṃ sakṛt dvitīyaṃ dvirāvṛttiḥ- punarādipadaṃ sakṛt-anantaraṃ kramavatsandhiḥ iti jaṭā budhaiḥ procate|| yathā|| upopedi du popopopet || 9 ||

mūlaṃ||

trikramasya jaṭājñeyā hyuktāpūrvaṃ kramaṃ tathā|| punarantaṃ madhyaṃcādi punarādyantaraṃ param ||10||

vyākhyānaṃ||

atha trimramasthale jaṭāprakāramāha trikramasyeti|| trikramasthale ādau kramamuktvā anantaramantaṃ padaṃ punarmadhyaṃ padaṃ tadanantaraṃ ādipadaṃ punaśca ādipadaṃ tadanantaraṃ madhyaṃpadaṃ tadanantaraṃ antapadaṃ cetyuktaṃ-seyaṃ trikramasya jaṭā jñātavyā|| yathā||bhūtvāharaḍaharadābhūtvā bhūtvāharat ||10||

mūlaṃ||

padatrayaṃ samārūhya trikrametu sasaṃdhikaṃ|| avarūhya yathānyāyaṃ punarārohaṇaṃ smṛtam || 11 ||

trikrametu padānāṃ hi trayāṇā mavarohaṇam|| tathaivārohaṇam teṣāṃ paścādānavamaṃ tathā || 12 ||

padadvayaṃ ṣaṭpadaṃca tathānavapadaṃ vadet|| svaravarṇā viśeṣeca viśeṣe trikramekramāt || 13 ||

vyākhyānaṃ||

padadvayaṃ ṣaḍāvṛtti rbhavati| trikramasthale tathā nava padaṃ vadet || 13 ||

mūlaṃ||

svaravarṇādabhedasya yatpadadvitayasyaca||  jaṭāvicakṣaṇairuktaṃ kramoccāraṇamevahi || 14 ||

iti paribhāṣā||

vyākhyānaṃ||

svaravarṇābhyāṃ abhedaḥ padadvaye yadi tatra jaṭāvicakṣaṇaiḥ kramoccāraṇa mevahyuktam|| yathā|adantya danti namo namaḥ|| svarā bheda itikim||  asūrtā sūrtā sūrtā sūrtā sūrtā sūrtā || 14 ||

iti paribhāṣā prakaraṇam||

mūlaṃ||

lopā ‘lopa ṣatvaṇatva yatvādeśāgamādiṣu|| saṃhitāyāṃ yathāprāptirjaṭāyāṃ tadvadevahi || 15 ||

vyākhyānaṃ||

lopaśca alopaśca ṣatvaṃca ṇatvaṃca yatvādeśaśca āgamāśca-ādiśabdena visarjanīyādayo gṛhyante| eṣu|| saṃhitāyāṃ yathāprāptiḥ jaṭāyāṃca tadvadevetyarthaḥ|| yathā|| aṅgirobhya ssvāhāsvāhā ṅgirobhyassvāhā|| aśvaṛṣabha ṛṣabho aśvo’śva ṛṣabhaḥ|| astvavarebhyo’varebhyo astvastvavarebhyaḥ|| somapratipratiṣoma ssomaprati||evamintra indra eṇa mena mindraḥ|| anuṣṭubhāpari paryaṇuṣṭubhā nuṣṭubhā pari|| ādiśabdena yathā||syapraprasyasyapra|| sahyatyasuṣṭu banuṣṭu mnahyati nahyatyanuṣṭup || 15 ||

mūlaṃ||

yānagnayo’nva tapyantetyatra pūrvaṃ kṛteyaṇi||  lopābhāvegnaya iti nimittagrahaṇam kṛtam || 16 ||

vyākhyānaṃ||

anvatapyantetyatrapūrvaṃ ‘ivarṇokārau yavakārau’ (prā 1-10-15) iti yaṇādeśekṛte tataḥ ‘agnayaḥ’ iti grahaṇasya udāharaṇābhāvāt punaśca lopaprāptyarthaṃagnayaḥ (prā 1-12-18) iti granaṇam niyamārthaṃ|| yathā|| agnayo’ nvatapyantā nvatapyantāgnayo agnayo’nvatapyanta || 16 ||

mūlaṃ||

grahaṇaṃ tvekamuddiśya padaṃvai kriyate yataḥ|| tadanyatratu nagrāhyaṃ yajjaṭābhimatairiti || 17 ||

vyākhyānaṃ||

ekaṃ padamuddiśya gṛhyateyadi tadanyatra nagrāhyamiti jaṭābhijñairuktam|| etadvacanaṃ ‘anvatapyanta’ ityetāvanmātra viṣayakam || 17 ||

mūlaṃ||

tathaivāśvājanītyatrā pyekādeśekṛte tataḥ|| ākāraśruti samprāpti stasmāllopo vilomake || 18 ||

vyākhyānaṃ||

aśvājanītyatrāpi anvatapyante tyatravadevetyarthaḥ|| ekādeśekṛte ākāraśrutau prāptausatyāṃ vilome jaṭākāle lopaeva||  yathā – aśvājani pracetasaḥ pracetaso’śvājanyaśvājani pracetasaḥ|| atra śikṣākārāḥ “aśvāśrutiścayaḥ proktaḥ pade khaṇḍeca taṃviduḥ|| samāsenaiva vijñeyo dṛṣṭo’śvājani kathyate”||  iti samāsapade alopa eveti|| aśvājanipracetasaḥ pracetaso aśvā janyaśvājani pracetasaḥ|| (iti paṭhāntaraṃ na bahu janasammatam) || 18 ||

mūlaṃ||

tatheyātāṃ brāhmaṇāye tyopetyakṣara saṃhitā||  tatrāpi pūrvaprābalyā daikāro’trana saṃbhavet || 19 ||

vyākhyānaṃ||

aśvājanītyatra yathā tathaivetyarthaḥ||  eyātāṃ brāhmaṇāyetyatra “tatrapūrvaṃ” (prā 1-5-7) iti nyāyena ‘dīrghaṃsamānākṣare savarṇapare’ (prā 1-10-2) ityekādeśekṛte tadanantaraṃ ivarṇapara ekāraṃ’ (prā 1-10-4) iti ekārobhavati||yathā||eyātāṃ brāhmaṇāya brāhmaṇāye yātāmeyātāṃ brāhmaṇāya||  punaretyetyapunaḥ punaretya|| atra śikṣākārāḥ eyātāṃ brāhmaṇāyātra tvekārassandhito bhavet||  paravarṇaṃ prasaktaṃce dgaṇasāto niṣiddhyate||iti eyātāṃ brāhmaṇāyetyatra ekāra eveti|| yathā – eyātāṃ brāhmaṇāya brāhmaṇāyaiyātā meyātāṃ brāhmaṇāya||  asyavacanasya bahvanaṅgīkārā danaṅgīkāra eva || 19 ||

mūlaṃ||

catveprāpteśakārasya varṇakliṣṭetataḥparam nakāraḥ prākṛtastasmā cchnathadvṛtramitisthitiḥ || 20 ||

vyākhyānaṃ||

śnadhadvṛtramiti jaṭāyāṃ “takāraścakāraṃśacacha paraḥ” (prā 1-3-22) iti catveprāpte “spharśapūrvaśśakāraśchaṃ” (prā 1-3-34)iti chatvaprāptiḥ||  jaṭākāle śapūrvatvā bhāvānnakāra nnāpadyate prākṛta nakāra ityarthaḥ||  yathā – śñathaddvṛtraṃ vṛtraggṃ śñatha cchnathadvṛtraṃ || 20 ||

mūlaṃ||

anuśabde hyukārasya vakāre vaikṛtesthite||  jaṭāyāṃ naivalopassyādakārasyeti nirṇayaḥ || 21 ||

vyākhyānaṃ||

anvityasya padasya “ivarṇokārau yavakārau” (prā 1-10-15) iti ukārasya vakārādeśasthale jaṭāyāṃ naiva lopaḥ syāt kakārasyeti nirṇayaḥ yathā|| anugāvo gāvo anvanugāvaḥ || 21 ||

mūlaṃ||

anuśabde hyukārasya vakāre vaikṛtesthite||  jaṭāyāṃ lopa evasyā dyathāsaṃhita mantarā || 22 ||

vyākhyānaṃ||

anu śabde hyukārasya pūrvaślokavat vakāre vaikṛtesati saṃhitāyāṃ yathā lopaprāptiḥ tathā lopa eva syāt||  yathā – gāvo’nvanugāvo gāvo’nu || 22 ||

mūlaṃ||

hrasvabhājāṃ tu sarveṣāṃ hrasvatā pūrvapauruṣe|| ādāvanteca dīrghasyā nmadhyamuttama pauruṣe || 23 ||

vyākhyānaṃ||

hrasvabhājāṃ sarveṣāṃ padānāṃ pūrvapauruṣe hrasvatāvijñeyā|  hrasvabhākchabdena “athādāvuttare”(prā 1-3-1) ityādi|| jaṭākāle uttarapauruṣe ādāvanteca dīrghasyāt||  tanmadhye hrasva ityarthaḥ|| pūrvapauruṣe yathā hiṣṭhasthahihiṣṭha|| uttarapauruṣe yathā – sthāmayobhuvo mayobhuvaḥstha sthāmayobhuvaḥ|| sthāmayobhuva ityatra sthaśabdasya dvitīyoccāraṇetu dīrghaḥ prasajyeta|| uttara padena vibhāgābhāvāt| iti tribhāṣyaratna kāreṇoktam|| “athādāvuttare”iti (prā 1-3-1) sūtravyākhyāne || 23 ||

mūlaṃ||

yasyārṣe pragrahatvaṃca tasyaivānārṣake bhavet||  uktalakṣaṇa bhāvepi pauruṣe nabhavetkvacit || 24 ||

vyākhyānaṃ||

arṣe yasyapragrahatvamasti ānārṣepi tasyaiva pragrahatvaṃbhavati|| uktalakṣaṇeti uktalakṣaṇaṃnāma prātiśākhye athapragrahāḥ (1-4-1) ityadhyāye yaduktaṃ tatprakāreṇetyarthaḥ||  pauruṣe viśeṣo nabhavet||  yathā – antarbhariṣyantī bhariṣyantī antarantarbhariṣyantī|| ārṣe pragrahatvamitikim||  tāvabrūtāgṃsarve||  āstāṃte ityatra jaṭāyā mārṣaniyama prāptiḥ – naitadiṣṭam || 24 ||

mūlaṃ||

pradhānaṃ vā nimittaṃ vā dvipadagrahaṇaṃ yadi|| vyutkrame sarvatogrāhyaṃ krame tatraika deśataḥ || 25 ||

vyākhyānaṃ||

pradhānaṃ kāryabhāgiti yāvat|| nimittaṃvā yatrakutracit sthale dvipadagrahaṇaṃ yadi tatra vyutkrame jaṭākāle dvipadaṃ sarvaṃ grāhya mityarthaḥ||  krame tatra ekadeśataḥ kāryaṃbhavatīti vijñeyam||  yathā – no’gnayo agnayono no’gnayaḥ||  agnayaḥ  paprayaḥ paprayoagnayo ‘gnayaḥpa prayaḥ || 25 ||

mūlaṃ||

padadvayanimittaṃ yadekābhāvepi tatratu||  saṃhitāvatkramojñeya stadvat jñeyā jaṭābudhaiḥ || 26 ||

vyākhyānaṃ||

yatrayasmiṃsthale yatpadadvayanimittaṃ tatrajaṭākāle ekābhāvesati tatra tāvatsaṃhitāvaduktam||  yathāindraṇo na indreṇaḥ||  atra saṃpūrvatvābhāvepi bhavati || 26 ||

mūlaṃ||

cādīnāmeva volopo molopo kvipparasyatu|| udaḥ parassalopastu sasmiṃsthāstaṃbhukesati || 27 ||

vyākhyānaṃ||

cādīnāṃ avyayā nāmityarthaḥ| tatra eva volopo vakāralopa ityarthaḥ||  akvipsare makāralopaḥ| utpūrvo vyaṃjanapara ssakāralopaḥ||  sthāstaṃbhvoreveti vyākaraṇa śāstreṇaivoktam|| vakāralopo yathā||  nvaivainunvai||  tvaivai tutvai||

tunupūrva udātta yorvakāraḥ(prā 1-5-13)  iti vakāralopaḥ||

avyayānātikim||varuṇastu tuvaruṇo varuṇastu||  vasatu nu nuvasatu vasatunu||  makāralopo yathā – pratyuṣṭagṃrakṣaḥtagṃṣaḍahāni|| tephoṣmaparaḥ (prā 2-1-2) iti makāralopaḥ||  sakāralopo yathā – sthānādudu tthānāt sthānādut| uttaṃbhanaṃvai utpūrvassakārovyaṃjanaparaḥ||  (prā 1-5-14) iti sakāralopaḥ||  sthāstaṃbhvoritikim|  svā yuṣodut svāyuṣā svāyuṣot||  stomamudutstomagṃ stomamut || 27 ||

mūlaṃ||

utpūrvasya sakārasya vyaṃjane lopa iṣyate|| pūrvatra tunvosthitayoryallopastvavyayesthite || 28 ||

lopābhāvo makārasya kvibaṃterājatau pare|| teṣāmeva prasiddhatvādaviśeṣeṇasūcitam || 29 ||

teṣāmevavilomepi nānyeṣāṃ savidhismṛtaḥ|| avagraha makāro ya ssaṃsāmiti nalupyate || 30 ||

savijñeya iti prājñastatonyatra na sambhavet||

vyākhyānaṃ||

avagraheti avagrahastho yomakāraḥsaṃ sāṃ ityevaṃ pūrvona lupyate|| yathā – sāmmrājyāya – samrājoḥ|| (nasaṃsāmiti turāparaḥ, prā 2-1-4 iti makāralopa niṣedhaḥ) avagrahetikim|| toterāyassandevi||  ityatra jaṭāyāmayaṃ pratiṣedhonabhavati|| iti kāreṇārthāntaraṃ sūcayati|  yathā – rāyassagṃ sagṃrāyo rāyassaṃ|| rājñesagṃ sagṃ rājñe rājṅesam|| rāṣṭreṇa sagṃ sagṃ rāṣṭreṇa rāṣṭreṇasam||  tataḥ anyatrana saṃbhavedityarthaḥ || 30 ||

mūlaṃ||

yolopa ssottarastiṣṭhanyekayā grahaṇe tathā||  ityekamitimolopona nimitta mapekṣate || 31 ||

vyākhyānaṃ||

yolopaḥ yakārasyalopoyaḥ saḥ tiṣṭhanti śabda pūrvaścet ekayāgrahaṇe yakārasya lopobhavati|| yathā – tiṣṭhantyai kaikayai kaikayā tiṣṭhanti tiṣṭhantyekaikayā||

tiṣṭhantyekayā sapūrvaḥ ‘prā 1-5-19’ iti ākārasahita yakāralopaḥjaṭākāle tiṣṭhanti śabda viśiṣṭā bhāvepi syāt|| yathā – ekaikayā stutayā stutayai kaikayai kaikayā stutayā|| iti śabda viśiṣṭe ekamityasmin grahaṇe makāralopaḥ||  yathā – ityekaika mekaika mitītyekaikam|| (āvagraha ityekam ‘prā 1-5-18’ iti makāralopaḥ) atrāpi nimittaṃ nā pekṣate|| jaṭāyāṃ||yathā – ekaikaṃ tasya tasyaikaika mekaikaṃ tasya || 31 ||

mūlaṃ||

pṛktādapṛkte dīrghasyādguṇo varṇādbhavedyadi || 32 ||

tasmāttadubhayo dīrgherbhavedanyatra vāgamaḥ|| athavādeśa ūbhāva stattasmātsāṃhite pica || 33 ||

vyākhyānaṃ||

‘ekavarṇaḥ padamapṛktaḥ’ (prā 1-1-14) iti prātiśākhyeyaduktaṃ tadapṛkta saṃjñā – apṛkta iti vyañjanena asaṃyukta ityarthaḥ|| pṛkteca apṛkte saṃyoge dīrghasyāt||  avarṇātparo yadiguṇo bhavet|| yathā – upātupātū pātu|| uyantu yastū yantu|| ūṣu sūṣu|| ūnunūnu||  ūtutūtu (dīrghaṃ samānākṣare savarṇapare) (prā 1-10-2) iti dīrghaḥ||  avarṇātparo yathā – utvātvavutvā||  uhotā hota vuhotā||

ubhayatrāpi jaṭāyāṃ akārasya ukārasyaca (uvarṇapara okāram|| prā 1-10-5 ityokāraḥ) tasyasvaraparatvāt (okāro’vam|prā 1-9-12)ityavāde śaśca||

tat – tasmāt – ityetābhyāṃ pūrvaḥ apṛktokāraparopi jaṭākāle dīrghamāpnoti|| yathā – tadūtattadu|| tasmādūtasmātta smādu|| etadvyatiriktasthale vakārāgamo yathā – sauvusasau || 33 ||

mūlaṃ||

ayodhvaryokrato pūrvolopasyādapyasāṃhite| lupto yadi bhavedārṣe kriyate nānyathā budhaiḥ || 34 ||

vyākhyānaṃ||

ayo|  adhvaryo| krato| ityevaṃ pūrvasya akārasya jaṭākāle lopassyāt||  saca ārṣo yadi luptobhavati||  yathā – adabdhāyo’śritatano aśītatano adabdhāyo’dabdhāyo’śītatano||  addhvaryo’verave raddhvaryo’dhvaryo’veḥ śatakrato nvanu śatakrato śatakratonu||  gāhamāno jāyamānaḥ (prā 1-12-8)itilopaḥ||  ārṣelopa itikim||  ghṛtavatī madhvaryo adhvaryo ghṛtavatīṃ ghṛtavatīmadhvaryo||  adhvaryo srucagṃ srucamadhvaryo adhvaryo srucam|| nānyathā budhairiti āyo|  adhvaryo|  krato ityetadvyatirikta pragraha ityarthaḥ|  yathā avasātasta bhā netastabhāne avasātastabhāne||(yaṃtrandasī avasātastabhāne) || 34 ||

mūlaṃ||

ṣatvaṇatvavikāretu yaduktamupadeśataḥ grahaṇaṃ tatkaro tyetatkāraṃ sarvatranānyathā || 35 ||

saṃhitāvatkramojñeyo jaṭā cavikṛtādiṣu|| vikārāgamalopeṣu yathāsaṃhitakāryabhāk || 36 ||

vyākhyānaṃ||

prātiśākhye (apivikṛtam|| 1-1-15) iti sūtreyaduktaṃ-taduktaṃ jaṭākālepi-vikāraśca-āgamaśca-lopaśca-teṣu vikārāgama lope ṣvityarthaḥ|| jaṭākālepi saṃhitāvadityarthaḥ|| vikāro yathā-nirṇenekti nenektinirṇi rṇenekti|| niśitāyāṃ nirṇirṇiśitāyāṃniḥ|| (ṣūṣūkṛdhi prā 1-7-2) ityubhayatrāpiṇatvaṃ|| āgamoyathā ṣaḍakṣareṇākṣareṇa ṣaṭthvaḍakṣareṇa|| (ṭanakārapūrvaśca takāraḥ prā 1-5-33) ititakārāgamaḥ||  lopoyathā – suparṇosyasisuparṇaḥ suparṇosi|| (asi prā 1-12-2) itilopaḥ || 36 ||

mūlaṃ||

nimitti pratiṣedhetu nanimitta balādvidhiḥ|| iṅgyabhedetva saṃkhyāne vidhirna pratiṣedhabhāk || 37 ||

vyākhyānaṃ||

nimitti pradhānaṃ|  pratiṣedhetu nimitta balādvidhi rnocyate||  asaṃkhyāne-asaṃkhyāna viṣaya ityarthaḥ|  vidhirnabhavati-pratiśedhabhāk syāt || 37 ||

mūlaṃ||

yathā punaḥkṛdhibalānna satvavidhiriṣyate prādhānyātpunarityatra nimittatvātkradheriti || 38 ||

vyākhyānaṃ||

yathā punaḥ kṛdhibalātsatvavidhirneṣyate – punarityatra prādhānyāt kṛdhiriti nimittatvāt||  etadvacana maniṣṭam || 38 ||

mūlaṃ||

kṛddhyuttare punaśśabdādvilome satvamiṣyate|| nāddhvaraṃcetisūtreṇāvagrahasthoniṣidhyate || 39||

vyākhyānaṃ||

kṛddhyuttaresati punaśśabda visarjanīya ssatvamāpadyate|| (nāddhvaram|| prā 1-9-32) iti sūtreṇa avagrahasthasyaiva punaśśabda visarjanayasya satvam niṣidhyate|| yathā – kṛdhi punaḥ punaskṛthikṛdhi punaḥ(kṛdhipinvapatheparaḥ|| prā 1-8-25) iti satvam|| nanu kṛdhiśabdaśya sūtrāntara niṣedhosti|| kṛddhyuttare (dhaṣavati prā 1-8-33) iti niṣedhasya vidyamānatvāt iticet ucyate|| “dhasavati niṣedhasya viśvataḥ kṣatra matraca||  padeceṅgyapade nityannā vissūtrekṛdhītica||” asyārthaḥ viśvataḥ kṣatraṃ ityatra visarjanīyaḥ kṣapare satvaṃ naprāpnoti||  ‘dhaṣavati’ itiniṣedhāt “viśvataḥ” (prā 1-8-32) iti grahaṇasya kaṇṭhoktatvepi – dhaṣavati iti niṣedhasyaca ārthika tvepi jaṭākāle kaṇṭhoktamaprayojakaṃ āviḥ prā 1-8-34 iti sūtrekṛdhi śabdasyaiva evaṃ ‘dhaṣavati’ iti niṣedhonasyāt||   tathāca kṛthi punarityatra satvaniṣedhona  ||39||

mūlaṃ||

satvekāra svaropatvaṃ dīrghasyā pyupalakṣaṇam|| patnī vegrahaṇātkiṃca gnāspati statra darśanāt || 40 ||

vyākhyānaṃ||

satvavidhau akāra pūrvatvarūpaṃ (kakhapakāra – prā 1-8-23) ityatra akāraḥ|| dīrghasyāpupyalakṣaṇaṃbhavatīti||  tatrahetuḥ|| ‘patnīve’ prā 1-8-27|| grahaṇāditi|| retodhāḥ|| patnīva ityatra atīvyāptivāraṇārthaṃ vegrahaṇaṃkṛtam|| yathā – pate dhanadā dhanadāspate patedhanadāḥ||  patiḥ pṛthivyāḥ pṛthivyāssatiṣpatiḥ pṛthivyāḥ|| ubhayatrāsi (patnīve) iti satvam|| kiṃca| gnāspatistatradarśanāt iti yathā – narā śa? so gnāspati rnoavyāt || 40 ||

mūlaṃ||

udathetyatradīrghastu hrasvasyāpyupalakṣaṇam|| tathā prapara ityatra hrasvodīrghopalakṣaṇam || 41 ||

dhaṣavati niṣedhassyā dviśvataḥ kṣatramatraca|| padeceṅgyapade nityannāvissūtre kṛdhītica || 42 ||

kakhapeṣantathā varṇapūrvassaṃyātyavagrahaḥ|| atra devariṣaścāvirniriḍaśśaśvatopasaḥ || 43 ||

vyākhyānaṃ||

udathāparaśca (prā 1-9-24) ityatradīrghagrahaṇaṃhrasvasyāpyupalakṣaṇam||  tathā parivāpraparaḥ|| (prā 1-8-34) ityatra hrasvagrahaṇam dīrghasyāpupyalakṣaṇaṃ bhavatīti bhāṣyakāreṇoktatvāt||yathā – vidvānathā thavidhvān vidvānatha|| bahiḥ prāṇovai|| “parīpari” prā 1-7-4 iti ṇatvam|| prāñcaunirṇiṣprāñcau prāñcauniḥ|| ātmānā parāniṣpra śukraśociṣā|| “avirnidiḍaḥ” prā 1-8-24 iti ṣatvam || 43 ||

mūlaṃ||

yatrasyānmahi sṛjyaddhvaṃ tatraṣatvaṃna pauruṣe| ṛtavaḥ pratiṣedhācca mahi saptaca darśanāt || 44 ||

vyākhyānaṃ||

madhumatībhissṛjyaddhvaṃ mahivarca ityatra pauruṣe ṣatvaṃ nabhavati||  “ṛkārarephavati” prā 1-9-8 iti niṣedhāt|| “mahi” prā 1-6-4 iti vidhiḥ kaṇṭhoktaḥ|| ṛtavaḥ sāmānyaḥ|| pauruṣe kaṇṭhoktasya prābalyābhāvāt ṣatvaṃ nasyāditi vācyam|| mahisaptacadarśanāt|| yathā – sṛjyaddhvaṃ mahi mahi sṛjyaddhva? sṛjyadhvaṃmahi|| dṛṣṭānte yathā – mahi saptadaśenā vasyuvātāḥ || 44 ||

mūlaṃ||

ṛkāra rephayuktepi siśśabda āyuratraca|| ṣatvameva prasajyeta māhiṣeyeṇa bhāṣitam || 45 ||

vyākhyānaṃ||

niśśabde āyuśśabdevā visarjanīyaḥ takāraparo ñaṭākāle ṛkāra rephayukta itiṣatvaṃnabhavatīticet “sakārāntatumūlataḥ” iti vacanena punaḥ mahiṣeyamatānusāreṇaiva ṣatvameva bhavatiḥ|| yathā – tṛtīyaṃ nirṇiṣṭṛtīyaṃ tṛtīyaṃniḥ|| triṣṭugāyurāyuṣṭriṣṭuktriṣṭugāyuḥ|| tasmādāyurāyuṣṭasmāttasmādāyuḥ|| eṣāṃ – rāsassapte prā 1-6-5 iti ṣatvam || 45 ||

mūlaṃ||

kaṇṭhoktārthikayoryatra virodhasphūryatekvacit|| kaṇṭhoktastu balīyān syā dāviśśabdastu sādhakaḥ || 46 ||

vyākhyānaṃ||

ayaṃ ślokaḥ ārṣe – natu pauruṣe|| anyathā “naniḥ” prā 1-8-35 iti sūtraṃ vyarthamāpadyate || kiṃca|| prakṛtasūtrasya ārṣaviṣayatvamevātra paramaṃ nidānaṃ|| yadi pauruṣepi kaṇṭhoktasya prābalyaṃ syāttarhi ārthikasya rephavataḥ aprādhānyāt kaṇṭhoktasya nirityasya prāthānyādeneṣṭa siddhau tatsūtramanārambhaṇīyaṃ – ato vijñāyate – pauruṣe kaṇṭhoktasya prābalyaṃna – itītibhāvaḥ || 46 ||

mūlaṃ||

anvārabhyānyamantaṃ cetyatraṇatvaṃprasajyate|| yasmātparyādi pūrvatvaṃ tathāpinavadantihi || 47 ||

vyākhyānaṃ||

anvārabhya – anyaṃ – antaṃ – eṣu nakārasya paryādi pūrvatvepi ṇatvaṃ nabhavati|| yathā – anvārabhyapariparyānvārabhyānvārabhyapari|| anyaṃpari paryanyamanyaṃpari||  antaṃ praprāntamantaṃpra|| atra (pārīpari parīprapūrvaḥ prā 1-7-4) “avarṇavyapetopi” prā 1-7-5 ityābhyāṃ prāptiḥ || 47 ||

mūlaṃ||

saṃhitāvadvidhiṃ prāptaṃ bahavonavadantihi adhyetāro jaṭākāle tadbahvādṛtamucyate || 49 ||

śikṣāca prātiśākhyaṃca virudhyetāṃ mithoyadi|| śikṣādurbala mityāhussiṃhasyeva mṛgiryathā || 49 ||

vyākhyānaṃ||

śikṣāyāḥ prātiśākhyasyaca parasparaṃ virodhe śikṣādurbalā bhavatītyarthaḥ|| siṃhasyeva mṛgīyatheti sādṛśyāt || 49 ||

mūlaṃ||

prākṛtau pratiśākhyaṃca balīyastvitikīrtitam|| śikṣābalavatīcaiva hyanārṣe sarvasandhiṣu || 50 ||

jaṭāyāṃ vakṣyamāṇāyāṃ kampa sandhi svarādayaḥ avadhāya prakoktavyā nipuṇena dvijenatu || 51 ||

nanūnaṃ nṛtyanahyatya pyanyaśabdonyauccakaḥ|| nakāro dvityagolakṣyāttakāro rdhvopi vāntagaḥ || 52 ||

ṭapūrvasyanakārasya ṇatvaṃkuryā dvicakṣaṇaḥ|| pūrvaṃ paścāṭṭakārasya yathāvaṇṇamadarśanāt || 53 ||

vyākhyānaṃ||

ṭapūrvasya nakārasya pūrvamevavicakṣaṇoṇatvaṃ kuryāt|| paścāṭṭakārasya “uttamaparauttamaṃ savargīyam” prā 1-8-2 ityanena sūtreṇa ṇatvaṃbhavati|| yathā – naānaḍānaṇṇona ānaṭ|| nyamārḍamārṇṇanyamāṭ || 53 ||

mūlaṃ||

sūtreṣvadṛṣṭaṃ yatkiṃcitsūtrāntarabalādbhavet|| anuktasyāviruddhasyamataṃ grahaṇamanyataḥ || 54 ||

vyākhyānaṃ||

sūtreṣu prātiśākhyasūtreṣu adṛṣṭaṃ yatkiṃcit sūtrāntarabalādbhavet||  prātiśākhye anuktaṃ aviruddhaṃca anyataḥ grahaṇaṃ matam grāhyamityarthaḥ || 54 ||

mūlaṃ||

ṭavargātparabhūtasya lasyaduśliṣṭatābhavet|| anyathāce dvirāmācca dvitvābhāvāddvirucyate || 55 ||

vyākhyānaṃ||

ṭavargātparo lakāro duśliṣṭasaṃjñobhavati|| ḷakāramāpadyata ityartha:||yathā – labhateviḍviḷḷabhate labhateviṭ || 55 ||

mūlaṃ||

autvamodautparerantṛ tvāraṃpropāvapūrvake| amitaṃtasvapāṭhecipadaṃ syāntoyathāṣuṣū || 56 ||

vyākhyānaṃ||

pra, ā, upa, āna, ityevaṃpūrvaḥ ṛkāraḥ āramiti vikāramāpadyate|| yathā – ṛtunāpraprāturnaturnāsra|| ṛjumārjumṛjumā|| ṛtenārtenartenā||  ṛtavyāupopārtavyāṛtavyāupa|| ṛtūnāmavāvārtūnā mṛtūnāmava|| tuśabdaḥ itaropasargapūrvatve āraṃvikāraṃnivartayati|| yathā – ṛdhyate pāpardhyata ṛddhyatepa || 56 ||

mūlaṃ||

yasyaivārṣeyatyarephau syātāṃtatrahi pauruṣe| satisvarapare tadvanniṣedhonānyathābhavet || 57 ||

vyākhyānaṃ||

ārṣeyasyapadānta nakārasya yatvarephau syātāṃ anārṣepitau syātāṃ|| tasyaiva padānta nakārasya anyasvaraparatvepi yatvarephausyātāmityarthaḥ||yathā – athāsapatnā? iṃdrome (prā 1-9-22) itiyatvam|| athā – satnāntsapatnā? athāthāsapatnān|| nānyathābhavediti|| ārṣenimitte sati pauruṣe nimittābhāvepi yatvarephausyātāṃ|| ārṣe nimittābhāve pauruṣe nimittesatyapi taunasyātā mityarthaḥ|| ‘athāsapatnā niṃdrāgnī’ – ityatra ānusvāro nabhavati|| yathā – āthāsapatnāntsapatnā nathāthāsapatnān|| āpohaviṣmānhaviṣmānāpa āpohaviṣmān || 57 ||

mūlaṃ||

yatvarephau vinānyatra grahaṇaṃ dṛśyateyadi|| ṣatvaṇatvādisarvatra kartavyamanulomavat || 58 ||

vyākhyānaṃ||

yatvarephau vinā anyatra ṣatvaṇatvādiṣu anulomavat kartavya mityarthaḥ || 58 ||

mūlaṃ||

yatrayatraca yatvaṃsyāttatratatvaṃ tathābhavet|| niṣedhaścajaṭāyāṃtu tatratatra tathābhavet  || 59 ||

ārṣetigrahaṇādyatra prakṛtissaṃhitābhavet|| ādyantayorjaṭāyāma pyārṣatvāt prakṛtirbhavet || 60 ||

tathaivamithunītyatra vilome yatvamiṣyate|| saṃhitāyā mabhāvepi mithunyaṣṭauca darśanāt || 61 ||

vyākhyānaṃ||

tathaivamithunetyatra jaṭākāleyatvamiṣyate|| yathā – āthamithunī mithunyathāthamithunī|| mithunyaṣṭaucadarśanāt || 61 ||

mūlaṃ||

stomāya jyotirityatra ṣatvaṃsasyanavidyate|| anavagrahapūrvatvā dviddhyabhāvastathāsati || 62 ||

aprasakti rniṣedhasya napratiprasavaḥ smṛtaḥ|| prati prasavatāyasya ṣatvaṃ tasyaivanānyathā || 63 ||

suvorohāveti yaśca tatralupto visargakaḥ|| punargrahaṇa sāmarthyā dotvamāpnoti rottare || 64 ||

kṛdhisuvaḥ svānāsaścādivyadhikaṃnadoṣabhāk|| asminyajñe jaṭāyāṃca hyagnayaḥ paprayopsuyaḥ || 65 ||

(etadvacanamaniṣṭaṃ) tripadaprabhṛtinyāyo lopālopeṣuvidyate|| tatrastha manyayuktaṃce tpūrvadharmonavidyate || 66 ||

vyākhyānaṃ||

lopālopeṣvena tripada prabhṛti nyāyaḥ|| tatrastha manyayuktaṃ yadi tarhipūrvadharmo navidyate || 66 ||

mūlaṃ||

tripada prabhṛtirlopālopayorevasaṃbhavāt|| napragrahona yatvādā vitivedavidoviduḥ || 67 ||

edodbhyāṃ vakṣyatetaśca yadaneka pade punaḥ jaṭocyatenyaśabdena tatrānaikyaṃ navidyate || 68 ||

……………………………………. jaṭāyāṃdṛśyate yadā|| alopa lopakāryāṇi tripadādau tathottaram || 69 ||

vyākhyānaṃ||

edodbhyāṃ ekāra okārābhyāṃ vakṣyate akāraḥ| jaṭākāle tripadavyatiriktapadena yuktaṃcet tatra anaikyaṃna || 69 ||

mūlaṃ||

pradhānasya tṛtīyatvaṃ tripadaprabhṛti smṛtam|| ṛci brāhmaṇa vākyeṣu hyalaṃdvitripadādikaṃ || 70 ||

punaruktaṃyataḥ paṃca padamityuttaraṃcavā|| pūrvavadbhavati jñeyaṃ sarvatrāpi vicakṣaṇaiḥ || 71 ||

parivyā punarūrjāyanno syarātīyatopica saptatepoanutvagne tvaṃgomāṃścāthi rocane|| citraṃca bhavataṃ drapsassahasva punaraikyataḥ || 72* ||

vyākhyānaṃ||

atha tripada prabhṛti nyāyodāharāṇāni|| yathā – saṃpaśyāmītyanuvāke| paritvāgne puramiti vākyaṃ| agnikāṇḍe prathama praśne| imāmagṛbṇannityatrāpi tathaiva|| yathā – tvāgne gnetvātvāgne|| agnepuraṃ puramagne gne puraṃ|| bhūmi rbhūmnetyanuvāke| punarūrjānivartasva punaragne iti vākyaṃ| viṣṇoḥ kramosītyanuvāke| annapataityanuvākeca tathaiva|| yathā punaragne gne punaḥ punaragne|| agna iṣeṣāgne gna iṣā|| tva? sometyanuvākeḥ ayaṃno agnirvariva ityetadvākyaṃ|| yastvā hṛdetyatrāpi tathaiva|| yathā – agnirvarivo varivogni ragni rvarivaḥ| āpyāyatāṃ dhruvetyanuvāke| viṣṇoḥ kramosyarātīyata itye tadvākyaṃ|| viṣṇokramosītyanuvākepi tadhaiva| yathā – asyarātī|| yato rātīyato syasya rātīyaḥ| arātīyato hantā hantā rātīyato rātīyato hantā||

bhūmi rbhūmnetyanuvāke| saptate agna| ityetadvākyaṃ|| prācīmanpityatrāpi tathaivabhavati|| yathā – teagne gne teteagne|| agne samidhassamidhognegnesamidhaḥ||

uru?hirājetyanuvāke| apoanvacāriṣaṃ ityetadākyaṃ – yastvāhṛdetyanuvāke| apoanvacāriṣaṃ ityetadvākyaṃ – yastvāhṛdetyanuvāke|| tathaiva bhavati|| yathā – apo anvanva popoanu|| saṃpaśyāmītyanuvāke|

agnetvanno antama ityetadvākyaṃ|| agnirmūrdhe tyatrāpi tathaiva|| yathā – no antamontamononoantamaḥ||

aganmasuvaḥityanuvāke| gomā? agne ityetadvākyaṃ|| agni nārayi mityatratathaivabhavati|| yathā – gomā? agnegne gomāngoma?agne||

yedevā yajñahana ityanuvāke tṛtīyeloke adhirocana ityetadvākyaṃ|| agniṃyunajmītyatrāpi tadhaivabhavati|| yathā – adhirocane rocane dhyadhirocane||

udutyaṃjātavadasaṃ ityanuvāke| antarikṣa? sūryaātmā ityetadvākyaṃ|| navonavobhavatī tyatrāpitathaiva|| yathā – antarikṣa? sūrya ssūryontarikṣa mantarikṣa?sūryaḥ||

iṣetvopapīrityatra| bhavatanna ssamanasā vityetadvākyaṃ|| samita mityanuvākepi tathaiva|| yathā – adyanonodyādyanaḥ|| nigrābhyā ityanuvāke|| drapsaścasmandetyetadvākyaṃ|| abhyasthādi tyanuvāke dhruvāsītyanuvākeca tathaiva|| yathā – anuyoyo nvanuyaḥ|| saṃtvāsiṃcāmītyanuvāke| sahasvārātīyata ityetadvākyaṃ dhruvāsī tyanuvākepi tathaiva| yathā – sahasvārātī yato rātīyata ssahasva sahasvārātīyataḥ || 72 ||

mūlaṃ||

pavasvapratapāssūryo parogne dyaustathā bhavet || 73 ||

āyuryajñena cāyurdāvājaḥ prāṇammaevaca|| yenāgnesmin sadhastheca vājyadhvana stvanaikyataḥ || 74 ||

vyākhyānaṃ||

athālopaviṣaye tripadaprabhṛti nyāyamāhayathā| tvamagnerudra itiyājyāyāṃ ityatra| agne pavasvasvapā ityetadvākyaṃ| aganmasuvarityata yathā|| asmevarcovarco asme asmevarcaḥ|| ubhāvā mindrāgni ityatra tvamagne vratapā ityetadvākyaṃ| daivīṃdhiyamityatra yathā – tvamagne agne tvaṃtvamagne|| vāgvaidevebhya ityatramantra brāhmaṇatvāttathaivabhavati||  uktānye vodāharaṇāni||  dhruvāsītyatra yāste agne sūrya ityetadvākyaṃ||  vayovā agnirityatrayathā|| te agne agne te te agne||  sūrye paraitikim|| yāste agne samidhoyānī tyatralope jaṭākāle yathā|  te agne’gne teteaggne|| imāmagṛbhṇanraśanāmityatra dyaustepṛṣṭhamityetadvākyaṃ|| traiṃśikapraśne’pi tathaiva|| traiṃśikonāma yadekenetyādayaḥ trayaḥ praśnāḥ|| yovā ayathā devatamati praśne yathā – antarikṣa? samudrassamudro antarikṣa mantarikṣa? samudraḥ|| kṣatrasyo lbamasītyatra āyuryajñena kalpatāmityetadvākyaṃ|  garbhāścama ityatrayathā – kalpatāmapāno apānaḥkalpatāṃ kalpatāmapānaḥ|| tvamagne rudra iti yājyāyāṃ āyurdāagna ityetadvākyaṃ|| tṛtīyakāṇḍe tṛtīyapraśne yathā|| āyurdāagne agna āyurdā āyurdāagne|| tasminne vānuvāke āyurdāagne haviṣo juṣāṇa ityavabhṛtha mityatrāpi tathaivabhavati brāhmaṇatvāt|| kṣatrasolba masītyatra vājaścaprasavaśce tyetadvākaṃ|| ekācama ityatrayathā| cāpijo āpijaścacāpijaḥ|| dhruvakṣiti rityatraprāṇamma ityetadvākyaṃ|| indrāgnī avyadhamānāṃ|| bhūykasṛdasi ityanuvāka dvaye’pi yathā – apānaṃme meapāna mapānaṃme|| agniṃ yunajmītyatra yenā sahasramityetadvyākyaṃ|| yadākūtādityatra yathā – yenāgne agneyena yenāgne|| yenāsahasramityatra parogne capunastathā|| ṛkṣubrāhmaṇa vākyeṣu hyalaṃdvitrapadādikam|| itivacanenaparogna iti yenāgne dakṣiṇāyuktāḥ|| yenāgne sukṛtaḥ itivākyadvaye’pi ālopa eva ucyate|| yathā – yenāgne agneyena yenāgne|| agnedakṣiṇā dakṣiṇā agne agnedakṣiṇāḥ||  agnesukṛta sukṛto agne agne sukṛtaḥ|| anyayuktattvādatratripada nyāyonabhavati|| agniṃyunajmīnatyatra asmintsadhastha ityetadvākyaṃ||  yadā kūtādityatra yathā – asmintsadhasthesadhasthe asminnasmintsadhasthe|| imāmagṛbhṇannityanuvāke āgatyavājyadhvana ityetadvākyaṃ|| vyṛddhaṃvā ityatra yathā-vājyaddhvanoddhvanovājī vājyaddhvanaḥ|| aikyaṃ nabhavatītyanaikyaṃ|| alopa ityarthaḥ || 74 ||

mūlaṃ||

kramyāddhvano bhavatyagre pāvako’rpayatītica|| viṣayo’ṅgira ityeva kramyetyādi calupyate || 75 ||

vyākhyānaṃ||

jaṭāyā manyayukta tripada prabhṛtinyāyamāha|| yathā – adhvana ākramyā kramyādhvano’dhvana ākramya|| bhavatyagre ‘grebhavati bhavatyagre|| arpayati pāvakaḥ pāvako’rpayatya rpayatipāvakaḥ|| viṣaye tripada prabhṛti viṣaya ityarthaḥ|| yathā – aṅgira itītyaṅgiro’ṅgira iti|| agne aṅgira itītyatra tripada prabhṛtyabhāvāt|| kintu aṅgiro’psuyaḥ (prā 1-12-17) iti kaṇṭhoktatvādalopa prāptiḥ||  aṅgira itītyaṅgiro’ṅgira iti taṃtvāsamidbhiraṅgiraityā hetyatra|| aṅgira itītyaṅgiro’ṅgira iti || 75 ||

mūlaṃ||

dadhikrāvṇṇa rakṣācamaryaśrī rmanvanepica tāasya hiraṇyagarbha ssaṃcāraṇya manutvapi || 76 ||

aśvājanyagnayaścaivā pyadhvaryo verapyathobhavet||

vyākhyānaṃ||

ukhyetā asyasūdadohasa itivākyaṃ traiṃśike’pi tathaiva|| yathā asyasūda dohasassūdadohaso asyāsyasūdadohasaḥ|| hiraṇyagarbhassa mavartatāgre| āmumāraṇyamanute| vidhemateparame| ityādi mantrabrāhmaṇa bhedena yatra yatra dṛṣṭaṃ tatratatrāpi tathaiva || 76 ||

mūlaṃ||

punaruktaṃ yathoktaṃsyā tpadapaṃcakamevahi|| 77 ||

yastāmavidvānityatra hyanusvārāgamo bhavet|| anārṣe naivavijñeyo’pyakārādīti saṃgrahaḥ || 78 ||

dyaurahanī ititu yannimittaṃdṛśyatetravai|| ṇatvaṃsyādbhinna deśayasthatvā ccaivanavidyate || 79 ||

aśvājanyagnayaścaiva cādhvaryo’poatho tathā|| śrutigrahaṇa sāmarthyādātreyeṇāpibhāṣi tam || 80 ||

yadakṣarāṃga varṇāśca dvividhā padasaṃhitā|| iyaṃnānāpadokteva hyucyatepaṃca saṃhitā || 81 ||

vyākhyānaṃ||

spaṣṭorthaḥ || 81 ||

atha phalaśrutiḥ||

saṃhitāṃca padaṃcāpi kramaṃcaiva jaṭāṃpaṭhan||

lakṣaṇajñastadāpnoti brahmaṅñānaṃ hiśāśvatam||

saṃhitāpāṭhamātreṇa yatphalaṃ procyatebudhaiḥ||

padetudviguṇaṃ vindyāt krametuca caturguṇam||

varṇakrame śataguṇam jaṭāyāṃtu sahasrakam||

tathāca gauḍapurāṇe||

vidyānāmuttamā vidyā vedavidyā samīritā||

athastaddāturastyeva lābhasvargā pavargayoḥ||

vidyānāṃca parāvidyā brahmavidyā samīritā||

atastaddānato rājan sarvadānaphalaṃ labhet||

tathā devīpurāṇe||

vedaevadvijātīnāṃ sādhanaṃ śreyasaḥ param||

tatassvādhyānābhyāsātparam brahmādhigacchati || 1 ||

tamevaśīlayetprājñaḥ śiṣyebhyastaṃ pradāpayet||

tadabhyāsa pradānābhyāṃ tattvaṃ brahmādhigacchati || 2 ||

yonadhītyadvijovedā nanyatrakuruteśramam||

sajīvanne vaśūdratva māśugacchatisānvayaḥ || 3 ||

vedavidyāvihīnasya vidyājālaṃ nirarthakam||

kaṇṭhasūtravihīnāyāḥ kāminyābhūṣaṇaṃyathā || 4 ||

āśikṣitānāṃvedeṣu śāstrābhyāso nirarthakaḥ||

kimastyanupavītasya vājapeyādibhirmakhaiḥ || 5 ||

tathācabhaviṣyottara purāṇe|

aputrolabhateputra madhanolabhate dhanam|

vedādhyayanasaṃyuktaḥ parebrahmaṇilīyate|| 1||

athayajurveda svarūpamāha|

yajurvedaḥ piṅgalākṣaḥ kṛśamadhyobṛhadgalaḥ||

bṛhatkapolaḥ kṛṣṇāṅghristāmraḥkāśyapagotrajaḥ||

sabhāparvaṇi||

kṛtyvāpāṭhakramaṃcaivayajurbhirnirmalasvaraiḥ||

jaṭaupadavibhāgajñairucyamānānekaśaḥ|| 1 ||

anuśāsanika parvaṇi

saṃhitāyāṃca sarvasyāṃ sthitasyopasthitasyaca||

padadvayakramasyāpi jaṭāyāścasapāragaḥ|| 1 ||

yojaṭāmātravidbrahmā sandhijñoviṣṇurucyate|

īśvaraḥsarvasandhijña ityevarṣibhirīritam|| 2 ||

iti jaṭāmaṇi ssamāptā

yadakṣarapadabhraṣṭaṃ mātrāhīnaṃtuyadbhavet|

tatsarvaṃkṣamyatāṃdeva nārāyaṇa namostute||

om tatsat śrīkṛṣṇārpaṇamastu



Advertisements
Leave a comment

1 Comment

  1. Vedalakṣaṇa | veda

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: